جديد الصور
المتواجدون الآن
تغذيات RSS
|
|
قصائد طويـ يـ يـ يـلة جـد !
05-07-2009 11:57 PM
الجيم
عظيم ( الجيم ) !
هو : الانـجاز
والايجاز
والاعجاز
يكفيه مجـد .. إنه بـ ( مجد ) !
و إنه جمع ، ما بين ( نجد ) وبين ( الحجاز ) !
.......
ويكفيه حزن ..
إنه في وسط هـ الـ ( سجـن) !!
نكتـه
في الـمدينـه ..
أجمل نكته سمعهـا رفاقـي ..
كانـت : أخـلاقـي !!
ذوق
بـس لأنك موطنـي ..
ألملمك
من شفايف مطربٍ تافه
في أغنيه أتفـه ..
وأخـلي ذوقـي ينحنـي !
تحـدي
أدري القـــلب من رفضك : جثث
وأدري الدرب من ركضك : لهث
ياللـي بهـدمك .. ننبنـي !
لا تنحنـي ..
ما أنخلـق – هـ الراس – فـي الاعلى عبـث !
نعـاس
هـذا النعـاس
خلـّى عيونك : مملكه ..
ورموشك : الحـراس .
اذا صحيتي .. تسقط هذي المملكه
واذا غفيتي .. تسقط هذي المملكه
واذا انعقد هذا الحجاج ..
يهرب ملك ..
ويطيح تاج !!
\" أ \"
مثل المـآذن واقـف ..
- لا !
مثل النخـل
- لا
مثل عاشق مات في النظره الاخـيره !
- لا
مثل صاروخ أمريكي .. و ( الهمزة ) : ذخيـره .
YES !!-
أغانـي
كل الاغانـي
اللـي ما تنكتب للنـاس ..
ما بهـا أحسـاس !
أثـر
هذا تاريخ الطفل ؟
ولاّ تاريخ الرجل ؟
ولاّ تاريخ الرمل ؟!
أو الجغرافيا ..
تمشي حافيه ..
و ( أبن آدم ) : نعـل ؟!
جغرافيا التاريخ
قبل لا نرسم للطريق جغرافيا ..
تعال نكتب للقدم
تاريخ !
بنـت
\"المرآه\"
لما شافتها .. قالت : آآه !
أصل
اذا العسل
يطلع من هذا النحل
واذا الزهر
ينبت في هذا الوحل .
يا خـي طز بـ\" التاريخ \" .. وطز بـ\" الأهـل \" !!
لكــن ...
ادري ان افقر الفقراء
ف الارض .. هم : الشعراء
وادري ان اللي يحبون الشعر في هـ الزمن قليـ..يـ..يـ..يـ..يـل
اقل من الشعر الجميل !
وادري …
وادري …
وادري …
لكـن :
في هذا العٌري اللي يجتاح الاماكن ..
قلت : الشعر ثوب .. ممكن يجي كبري
ويحميني من هذا العراء .
وصيـه
أبعـد عن الشـر .. بـس لا تغنـي له !
نـا ي
لا تصـدق ان العازف الساذج
صابته حالة \" سلطنـه \" !
يا سيدي .. هـذا القصب يبكي حنين لموطنـه !
مرثيـه
يسجنونـه
يجلدونـه
يقتلـونـه .
وبعـد مُـدّه ..
يجـون أحفادهـم يرمـون ورده ..
فـوق قبـره : ويشكرونـه !!
لو…
لو كنتي إنتي تملكين
نصف اللي كانت تملكه \"بلقيس\" من حريّه
كان أمسح بإسمك أسامي العاشقين
وأمسح \" نزار\" بسامريّه !
قصة حــب
هـذا البحّـار ..
نجـا من كل ( المحيطات )
وغرق في ( دمعة ) بنـت !...
....................
.........
..، ومــات .
تبريـر
الضاد : ضـادي !
لكـن أحـس ..
ان لهجتـي : أقـرب
أعـذب
لانهـا تقـدر تـمس ..
الناس ببلادي .
حياة
أجمل ما في الموت ، إننا لمّا نموت :
تصير بقايا أجسـادنا ..
رمل بصحاري بلادنا .
يجون احفــاد احفــادنا .. يبنون منّا بيوت !
صغير
صغير .
لكنـّي مثل دودة قز
اقدر اصنع لك حرير!
ومثل النحل
اقدر اصنع لك عسل
واقدر اخلـّي هالفضا من اجل عينك :
ازهار
واقمار
وعصـافيـر .
....
بس .. حبني!
أسمها ؟
(خزنه) ، (هَيَا) ، ( نشميّه) ،
وكل النسا ..
اللي رسمتهن : أقمار ، في دفاتر : المسا .
تختصرهن بْنيّه
زغيرونه
بْدويّه
أسمها : الحريّه !
\" مناحـي بن سنـد \"
من باطن الباطن ..
ما تعرفونـه .. بـس يعرفكـم
تشبهونـه .. ويشبهكـم :
مـواطن !!
\" منصـور \"
\"منصـور\" ..
عيونك : أبواب الدور
اصابعك : بحاره ..
ضحكتك : طياره ... وأطفـال !
دمعـتك : عصفـور .
ذيك اللحظه
شفـت البحـر ياقـف علـى سـواحلك
والغيـم : شفتـه ســاح لك
والشرطـي هذا ساحلك ..
وساحلنـي !
لو نخـرج عن هـ الـدور ..
يا \"منصور\" !!
\" هــادي \"
وشـو اللـي : عـادي ؟!
……………
تعبت يا \"هادي\"
قرفت يا \"هادي\"
كل ما سـألت
حبـة رمـل : ( وصـلت ) ؟
تقـول : ( غـادي ) !
يا أخـي عشرين سنـه وأنا أبحث عن بلادي في بلادي !!
|
خدمات المحتوى
التعليقات
#2198 [طلال الشملاني]
12-26-2011 06:45 AM
#2199 [طلال الشملاني]
12-26-2011 06:45 AM
|
محمد الرطيان
تقييم
|
|
|
الرئيسية
الصور
المقالات
البطاقات
الجوال
الأخبار
الفيديو
الصوتيات
2 | 
1 | 
952
